На 1 декември 2016 година, во Центарот за дизајн и иновации Јавна соба - Скопје, ќе се одржи презентација на двете потпрограми на Креативна Европа, Култура и МЕДИА. Гости на настанот ќе бидат претставници на Канцеларијата на Креативна Европа - Култура од Холандија и на Канцеларијата на Креативна Европа - МЕДИА од Бугарија.

Агенда Потпрограма - Култура / 01.12.2016, Центар за дизајн и иновации Јавна соба - Скопје

• 10.30-11.00, Презентација на Потпрограмата Култура - Билјана Прентоска – Одделение за Креатина Европа – Култура, Министерство за култура на РМ
• 11.00-11.15, Презентација на холандското искуство со Потпрограмата Култура - Клартје Булт и Максим Зеф, Канцеларија за Креативна Европа – Култура на Холандија
• 11.15-12.15, Презнетација на категоријата Платформи и примери на добра пракса - Клартје Булт и Максим Зеф, Канцеларија за Креативна Европа – Култура на Холандија
• 12.15-13.00, Пауза за ручек
• 13.00-14.00, Примери на добра пракса – Категорија: Проекти за соработка
  • 1 Проект: „КУ-ТЕНДА“, д-р Елица Стоилова, Пловдивски универзитет и Здружение Центар за интеркултурен дијалог - Куманово
  • 2 Проект: Балканска дизајн мрежа, Александар Велиновски, проект Коориднатор, Јавна соба - Скопје
• 14.00-14.30, Прашања и одговори

Агенда Потпрограма - МЕДИА / 01.12.2016, Центар за дизајн и иновации Јавна соба - Скопје

• 10.30-11.00, Презентација на досегашните резултати од Потпрограмата МЕДИА, Владимир Стојчевски - Канцеларија за Креативна Европа – МЕДИА, Агенција за филм на РМ
• 11.00-14.00, Дебата на тема: ,,Креативна Европа МЕДИА – Можности и предизвици’’, Гостин: Камен Балкански - Канцеларија за Креативна Европа – МЕДИА на Р. Бугарија
• 12.15-13.00, Пауза за ручек
• 14.00-14.30, Прашања и одговори

Проектот на дистрибутерската и продуцентска куќа „Катавеј“ за нови дигитални форми на филмска дистрибуција на Балканот е еден од 10-те проекти, од вкупно 31 пријавени за онлајн дистрибуција, кои годинава добија поддршка од подпрограмата МЕДИА на „Креативна Европа“, специјализирана за развој, дистрибуција и промоција на филмот и аудиовизуелната дејност во Европа. Со тоа, „Катавеј онлајн и офлајн: нови дигитални форми за дистрибуција на филмот на Балканот“ е првиот ваков проект од Македонија кој добил финансиска помош од програмата МЕДИА на „Креативна Европа“, која изнесува 58.000 евра. Проектот кој ќе се реализира во соработка со партнери од Албанија и Хрватска, е поддржан благодарение на евалуацијата на група надворешни експерти според пропозициите во повикот, а одлуката е донесена на база на квалитетот на проектот, позицијата во однос на другите пријавени проекти и расположливиот буџет.

На 14.11.2016 (понеделник), во рамките на 15 издание на Фестивалот на европски филм „Синедејс“, во организација на Канцеларијата на Креативна Европа за потпрограмата МЕДИА, Агенцијата за филм на РМ и тренинг програмата Мидпоинт од Р. Чешка, ќе се одржи МЕДИА презентација и работилница за сценарио. Работилницата која ќе ја реализира Арне Колвајер, има за цел да ги открие сложените внатрешни емоции на ликот како една од најтешките задачи со кои се соочува еден филмски работник. Арне Колвајер зборува за потребата надворешно да се изрази внатрешното уште во фазата на пишување на сценариото и дава примери како да се искористат дејства и слики наместо дијалози, за да се прикаже што се случува внатре во еден лик.

Локација: МКЦ - НВО Инфо Центар

Програма:

• 11.00 – 11.30 – Презентација на потпрограмата МЕДИА на Креативна Европа
• 11.30 – 14.00 – Мастерклас на Арне Колвајер: „Oдбрани алатки за драматургија: Градење на внатрешниот живот на ликот”

Арне Колвајер е роден 1981 година во Волгаст, на островот Узедом во Балтичкото море, а пораснал во Берлин. Во 2008 година ги завршил студиите по филмска режија на ФАМУ во Прага. Претходно студирал фотографија во Грац, Австрија, литература во Франкфурт на Одра, Германија и теорија на филм на Универзитетот во Гетеборг, Шведска. Има дипломи од програмите: Таленти на Берлиналето, филмска лабораторија на фестивалот во Милано и летната академија на фестивалот во Локарно. Арне има снимено повеќе кратки филмови и има режирано за германските телевизии. Член е на Германското здружение на сценаристи (ВВД) од 2010 година. Во моментов живее и работи како независен сценарист, режисер, консултант за сценарија и професор на семинари во Берлин, каде што од 2011 година раководи со Станицата за сценарија (проектна лабораторија за сценаристи на програмата Таленти на Берлинале). Арне исто така е раководител за развој во продукциската куќа „42филм“ во Хале и е задолжен за меѓународни копродукции.